尖沙咀站的车站历史

修正早期系统
尖沙咀站响1979年12月16号启用，当时系修正早期系统列车服务嘅临时总站，直至地铁过海铁路路段启用之後，先成为过海前嘅中途站。
九广东铁转乘通道
2004年10月24号，九广东铁（即系而家嘅东铁线）延伸至尖东站，连接尖沙咀站同尖东站嘅麼地道行人隧道启用，成为尖沙咀站G出口，尖沙咀站成为地铁同九广东铁继九龙塘站後嘅第二个转车站。
2005年4月4号，连接车站大堂南面F出口嘅中间道行人隧道启用，方便乘客利用中间道行人隧道转九广东铁或前往尖沙咀南面主要建筑物。此外，喺兴建F出口工程期间，同时将车站大堂南端扩充，有助解决E出口车站通道挤迫嘅问题。
2007年12月2号，随住两铁合并，九广东铁改名做东铁线，由当日起乘客喺尖沙咀站同尖东站转乘，可享有转车优惠，但系分隔两站嘅闸机唔会拆，用八达通转乘嘅乘客喺30分钟内转车，会当做一程车费；而用单程票嘅乘客要先出闸，然後再买车票入闸（两程车费会高过响其他转车站转车，例如九龙塘站、美孚站或南昌站）。
加建国际广场出入口
地铁公司同发展商合作起新行人隧道连接响2006年拆卸重建嘅香港凯悦酒店地底，大堂以2个出口直接接驳重建後嘅国际广场地底。有关工程已经响2009年11月底完工，新加嘅出口叫H、R出口。